هرنگ دل

اَناری دِرم آمنتیه -اَلا دوس مَچم،دَسِم پَتیه

شَقه شاخ کَل، هوفه بال دال-وَ سر دا وِنا بی نَ کو ‌‌ذخال

خدا خدام بی واران بواره-سوزه بالابرز آو اِ رو باره

داوت برمنه چوار دیوار ژَ بن-موشن توریایه کَل هوله ژمن

و پَنج دَریت زِلف مِدای شانه – مِن کِردیه سنگ، قاپی دریانه

کاو چو و چنار، ارغوان و وه – کیکم و وَناو هرشش ناامید

دوس دروزِن سَر درو لَکِن – رند حیله باز بِن کیسه تَکِن – کیسه کیْت نَتَکان بکینه مایه – ای غو تَر میان کی نَکیشایه

خزگال و دَرزَن خال مَکته – بیَسه هم دم یه تولَک دِته

گله گوشت توشک، جگر وَز وَرک – ماچ تولَک دِت، سواری مَنَک

نیش بِرژانگت چکیاسه رانم – چو ماران گَستان، گل داسه گیانم

خانم نمَره گوشت شکارم – زَمَت بکیشم اَرا کی بارِم

خانمی خفتیه اَر سایه کِرفی – نمم کی بردیه زنجیره زِلفی

تنگز دروزن، ووام تَراله – اَرجِن گل بکه اَسکه وهاره

مِرخان بزاوو، شیرن پیابو – خر شاخ درآره و چو شاخ آهو

اِ کَوَر کَتِم، ولال بیمَ وَ - چَخو جوهری، طلا دی مَ وَ

خداتَ بِن دی، دنیا تَ دِل بو – توومت رازیانه، خَرمانت گل بو

خداتَ بِن، دی دنیا تَ دِل بو – پرچینت میخک، بازارت گل بو

خداتَ بِن دی کته جل و کت – لچ گوور بگیرن اَرا خت و خت

و بلنگی کَوَر و نَظمی گیا – حیرانت کِردم سوزه چو سیا

و بلنگی کَوَر کَتم ژه گل – اَرا سوزه کِ دووا سوزَ مل

شاوان تا وَ سو هَر هه هاسم بی – آزِم نیاشت و هر هناسم بی

* توَ موشی‌نا ای نازاره چسی – هم بیَسیه رفیق و هم هنارسه

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی
طراح قالب : عرفـــ ـــان قدرت گرفته از بلاگ بیان